Aläss

Stangalauf

Set im 2019 macht dr Wingertesel jöhrlich vor Wiahnachta an Stangalauf. D.h. A Delegation vom Wingerteselteam bsuacht im Oberland und/oder oh im Unterland verschiedene ahgschrebni Tränkana. Um am Nama zgrächt werda, trinkemer denn immer a Stanga oder viellecht oh zwo. A da verschiedana Stammtesch frogemer denn noch guata Gschechta usem Dorf. Di ä oder andr Gschecht isch üs denn z’Ohra ko und hätt den oh dr Wäg i üsers Blatt gfunda.

Fasnachtsland Online

Im Johr 2021 isch leider d’Fasnacht  a bez anderscht verlofa wiamer üs das vorgstellt hend. A Johr komplett ohni Fasnacht? Ganz seher ned! S’Vadozer Mediahuus, Radio L und Liachtastä Marketing hend am Schmutziga Donnschtig a knapp 12-stündigi Live-Sendig als Gmeinschaftsproduktion uf d’Füass gstellt. Dr Wingertesel isch oh dabei gse und hätt sich guat präsentiera könna. A grosses Kompliment ad Verastalter.

Schaaner Summer Carneval

Im glicha Johr, also im 2021, hätt im Lindahof dr erscht und leider oh dr letscht Schaaner Summer Carneval stattgfunda. Es isch an ganz an tolla Alass gse. Döt hemmer oh s’erscht mol üsra Gschechtatesch ufgstellt und hend üs döt präsentiera könna. So hend d’Lüt d’Möglichkeit ka, Gschechta direkt vor Ort ahzbringa.

Präsentation 100 Johr Fasnachtszitig

Jubiläumsusgab «100 Johr Schaaner Fasnachtszitig» im Johr 2022. Dia Jubiläumsusgab isch denn oh im Rahma vonra Präsentation im Lindahof vorgstellt worra. Musikalisch isch das Ganze vo dr Guggamusik Röfischrenzer umrahmt worda.

FaZi – Hock

Im Johr 2022 hätt dr Wingertesel s’erscht mol an FAZI-Hock dori gführt. Miar hend alle Fasnachtszitiga vom Land is Rössle ihglada zum afach a bez zemmahocka und üs usztuscha. Das hemmer denn i anderna Johr weder gmacht.

Murer Räbahobelobet

Jedes Johr bsuacht s’Team vom Wingertesel dr Muurer Räbahobelobet. Es isch immer ganz an schöna Alass. Sie machen das immer super. A grosses Kompliment

Wagabau

D’Idee am Schaaner Umzog metzmaha isch scho länger hära. Im 2025 hemmer denn gseht, dassmer ufa Umzug 2026 an Waga bauen. Es söll an Stall geh. An Eselstall knau gseht. A klis aber a tolls Wagabauteam hätt den i ca. 300 Std. ca. 90 m Latta, ca. 60m Balken, ca. 30 m2 OSB Platta, ca. 18 m2 Isolation, ca. 300 m’ Schwärtlig und epa 1500 Schruba verschaffet. Med liabi zum Detail isch an ganz schöna Waga entstanda.